വിഷചികിത്സയില്‍ ഉപയോഗിക്കുന്നതും അത്യുത്തമമായ ഔഷധഗുണമുള്ളതുമായ ചെടിയാണ്‌ ഈശ്വരമൂലി (ശാസ്ത്രീയനാമം: അരിസ്തലോക്കിയ ഇന്‍ഡിക്ക,Aristolochia indica). ഗരുഡക്കൊടി, ഈശ്വരമുല്ല, കരളകം, ഉറിതൂക്കി എന്നും അറിയപ്പെടുന്നു. ഇംഗ്ലീഷില്‍ Indian birthwort.
കേരളത്തില്‍ സമതലങ്ങളിലും വേലികളിലും 600 മീറ്റര്‍ വരെ ഉയരമുള്ള മലകളിലും കണ്ടുവരുന്നു. മരങ്ങളില്‍ ഏറെ ഉയരത്തില്‍പടര്‍ന്നു കയറുന്ന വള്ളിച്ചെടിയാണ്. നിറയെ ഇലച്ചാര്‍ത്തുകളുമായി മരങ്ങളുടെ ശിഖരങ്ങളെ മൂടി നില്‍ക്കും. ഇല, കിഴങ്ങ് എന്നിവ ഔഷധയോഗ്യമാണ്. വിഷഘ്നമാണ്. നീലിദലാദി തൈലം, പരന്ത്യാദി തൈലം എന്നിവയില്‍ ഉപയോഗിക്കുന്നു. വര്‍ഷത്തില്‍ ഒരിക്കല്‍ പുഷ്പിക്കും. വേരുവഴിയും പ്രജനനം നടത്തും. കരണ്ടുതീനിവര്‍ഗ്ഗത്തിലെ ജീവികളില്‍ കാന്‍സറിനു കാരണമായ അരിസ്റ്റോലൊചിക്‌ എന്ന ആസിഡ്‌ ഈ ചെടിയില്‍ അടങ്ങിയിട്ടുണ്ട്‌. ഗര്‍ഭച്ഛിദ്രം നടത്താന്‍ ഈ അരിസ്റ്റൊലൊചിക്‌ ആസിഡില്‍ നിന്നും വേര്‍തിരിക്കുന്ന മീതൈന്‍ എസ്റ്റന്‍ ഉപയോഗിക്കുന്നുണ്ട്‌.
No comments:
Post a Comment