കറിവേപ്പുമായി വളരെ സാമ്യമുള്ള ഒരു ചെറുവൃക്ഷമാണ് കാട്ടുകറിവേപ്പ് അഥവാ മരമുല്ല. (ശാസ്ത്രീയനാമം: Murraya paniculata). Orange Jasmine എന്നറിയപ്പെടുന്നു. നല്ല മണമുള്ള മഞ്ഞകലര്‍ന്ന വെള്ളപ്പൂക്കളുള്ള ഈ ചെടി ഒരു അലങ്കാരവൃക്ഷമായി നട്ടുപിടിപ്പിക്കുന്നു. ഇന്ത്യന്‍ വംശജയാണ് കാട്ടുകറിവേപ്പ്. അലങ്കാരവൃക്ഷമായി വളര്‍ത്തുമ്പോള്‍ മിക്കവാറും മുറിച്ച് കുറ്റിയായി നിര്‍ത്തുന്നു. എല്ലാക്കാലത്തും തന്നെ പൂക്കളുണ്ടായിരിക്കും. ചുവന്ന നിറമുള്ള കായകള്‍ക്കുള്ളില്‍ ഒന്നോ രണ്ടോ വിത്തുകള്‍ ഉണ്ടായിരിക്കും. പക്ഷികള്‍ തിന്നുന്ന വിത്തുവഴിയാണ് പ്രധാനമായും വംശവര്‍ദ്ധന നടക്കുന്നത്. ഈ ചെടിയുട പല ഭാഗങ്ങളും ഔഷധങ്ങളായി ഉപയോഗിക്കുന്നു.
No comments:
Post a Comment