കേരളത്തിലെ എല്ലാ വീടുകളിലും കാണപ്പെടുന്നതും ഒരുപോലെ ഭാഷ്യയോഗ്യവും ഔഷധ ഗുണമുള്ളതുമായ ഒരു സസ്യമാണ് ഇലുമ്പിപുളി. നിറയെ കായ്ച്ചു ഫലം തരുന്ന പുളി മരത്തിന്റെ കായ്കള്‍ മിക്കവാറും എല്ലാ വീടുകളിലും മരത്തിന്റെ ചുവട്ടില്‍ തന്നെ വീണു പാഴായി പോകാറാണ് പതിവ്. ഇലുമ്പിയുടെ ഇലകളും കായ്കളും ഔഷധഗുണമുള്ളതാണ്. ചൊറിച്ചില്‍, നീര് വീക്കം, വാതം, മുണ്ടിനീര്, തടിപ്പ് എന്നീ അസുഖങ്ങള്ക്ക് ഇതിന്റെ ഇലകള്‍ ഔഷധമായി ഉപയോഗിക്കുന്നു. രക്തസമ്മര്ദ്ദം, രക്തത്തിലെ കൊഴുപ്പ് എന്നിവ കുറയ്ക്കാന്‍ ഇലുമ്പിപുളി നല്ലതാണെന്ന് നാട്ടുചികിത്സയിലുണ്ട്. അച്ചാറുണ്ടാക്കാനും, മീന്‍ കറിയില്‍ സാധാരണ പുളിക്ക് പകരമായും ഇലുമ്പിപുളി ഉപയോഗിക്കുന്നു. മീനിന്റെ ഉളുമ്പ് മണം, ക്ലാവ്, തുണികളിലെ തുരുമ്പ് കറ എന്നിവ കളയാന്‍ ഇലുമ്പി പുളിയുടെ നീര് നല്ലതാണ്.
No comments:
Post a Comment